İspaniya La Liqasında 17-ci tur davam edir.
Sportinfo.az xəbər verir ki, “Real” Madrid derbisində “Rayo Valyekano”nun qonağı olub.
“Kral klubu” oyunun əvvəlində 2 top fərqi ilə geri düşsə də , ardıcıl 3 qolla geridönüş edib. Lakin ev sahibləri hesabı bərabərləşdirməyi bacarıblar - 3:3.
“Real” 37 xalla turnir cədvəlində ikinci pillədədir. “Rayo Valyekano” isə 20 xalla 13-cü yerdə qərarlaşıb. La Liqaya 38 xalla “Barselona” başçılıq edir.
"Real”ın bu görüşdəki uğursuz çıxışı İspaniya mətbuatı tərəfindən sərt tənqid olunub.
İspaniyanın hazırkı çempionu 17 xal artıq topladığı rəqibi qarşısında çətinlik çəkməklə yanaşı, "Barselona"nı birinci pillədən kənarlaşdıra bilməyib.
Ölkənin ən çox oxunan idman nəşri olan "Marca" "Real"ı tənqid edərkən Azərbaycanın da adını çəkib:
"Real"ın oyununa baxmaq mümkün deyil, cansıxıcıdır. Sanki Azərbaycan filminə baxırsan".
