Bir vaxtlar “Darüşşafaka”, son olaraq “Monbus Obradoiro”da çıxış edən məşhur basketbolçu Janis Timma intihar edib.
Medianews.az xəbər verir ki, ukraynalı müğənni və aktrisa Anna Sedokovanın keçmiş həyat yoldaşı Timmanın meyiti Moskvada 5 mərtəbəli binanın girişində tapılıb.
Ölən idmançının yanında tapılan telefonun ekranında “Annaya zəng et” yazıldığı və polisin ətraflı araşdırma başlatdığı açıqlanıb.
Məşhur müğənni Anna Sedokovadan dekabrın 9-da boşanan Timma bir müddət idi ki, ayrı şəhərdə yaşayırdı. 2020-ci ildən evli olan cütlüyün uşaqları yoxdur.
İntihar edən basketbolçu Janis Timma iki ay əvvəl sosial media hesablarında qəribə video paylaşmışdı. Həmin vaxt izləyicilərinin çoxu onun intihara hazırlaşdığını bildirmişdilər. Bundan əlavə, Timma boşanmadan əvvəl və sonra sosial media hesablarında tez-tez depressiv paylaşımlar edirdi.
Medianews.az
