1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Səudiyyə Ərəbistanının "Əl-İttihad" klubunda çıxış edən Kərim Benzema "Real Madrid"ə qayıda bilər.
Oxu.Az "Goal"a istinadən xəbər verir ki, ulduz futbolçu mövsümün sonunda karyerasını başa vurmaq niyyətindədir.
Fransa millisinin sabiq üzvü futbolçu kimi deyil, "Real Madrid"in Yaxın Şərqdəki səfiri qismində fəaliyyət göstərmək istəyir.
Hazırda "Əl-İttihad"la 2026-cı ilə qədər müqaviləsi olan Benzema illik 100 milyon avro qazanc əldə edir.
Qeyd edək ki, Kərim Benzema bu mövsüm "Əl-İttihad"ın heyətində keçirdiyi 11 rəsmi matçda 10 qol vurub və 3 məhsuldar ötürmə edib.
