Rusiya 2021-ci ildə Əfqanıstanda hakimiyyəti ələ keçirən Talibanı terror təşkilatları siyahısından çıxarmağa hazırlaşır.
Publika.az xəbər verir ki, Rusiya parlamentinin aşağı palatası Talibanın terror təşkilatları siyahısından çıxarılmasına imkan verən qanun layihəsini qəbul edib.
Layihəyə əsasən, terror təşkilatları siyahısına daxil edilmiş təşkilatların fəaliyyətinə qoyulan qadağa Rusiya məhkəmələri tərəfindən ləğv edilə bilər.
Rusiya məhkəmələrinin qərarına əsasən, Taliban ilə Rusiya hökuməti arasında rəsmi əlaqələr yaradıla, Rusiya vətəndaşları da Talibanla işləyə bilər.
