“Liverpul”un baş məşqçisi Arne Slot “qırmızılar”ın bütün yarışlarda iştirakı və qalibiyyətə iddiası ilə bağlı fikirlərini paylaşıb.
Arena.az “Sky Sports” dərgisinə istinadən, niderlandlı mütəxəssisin bu barədə fikirlərini təqdim edir:
“Liverpul” üçün bu, adidir. Hər bir qənimət uğrunda mübarizə aparmaq, kubok yarışlarında qalmaq və sona qədər getmək.
Mən dörd kubok uğrunda mübarizə aparmağımıza təəccüblənmirəm. Amma bu, çətin məsələdir, çünki bizim, digər komandalarla çox rəqabətimiz var.
Liqa Kubokuna gəlincə, burada hələ də iştirak edən komandalara nəzər salsanız, onların heç birinin finala yolu asan keçməyəcək”, deyə Arne Slot bildirib.
Cari mövsümdə Arne Slotun rəhbərliyi altında “Liverpul” İngiltərə Premyer Liqasının və Çempionlar Liqasının Liqa mərhələsinin lideridir. Həmçinin “Liverpul” İngiltərə Kuboku və İngiltərə Liqa Kuboku uğrunda mübarizəsini davam etdirir.
