Bu gün futbol üzrə Azərbaycan çempionatının (Premyer Liqa) 3-cü turundan təxirə salınmış “Şamaxı” – “Qarabağ” oyunu keçirilib.
Arena.az xəbər verir ki, günün yeganə oyunu Şamaxı şəhər stadionunda keçirilib.
Bu, əyalət təmsilçiləri arasında 75-ci çempionat oyunu olub. Əvvəlki oyunlarda Şamaxının eyniadlı təmsilçisi 13, Ağdam klubu 48 qələbəni bayram etmişdisə, 24 qarşılaşma sülhlə yekunlaşmışdı. “Qarabağ” son 6 oyunda qələbə qazanmışdı, “Şamaxı” son 20 matçda qalib gəlməmişdi.
Premyer Liqanın vahid lideri olan Ağdam klubu səfər oyunundan qalib ayrılmaqla xal ehtiyatını 44-ə çatdıra bilərdi. “Şamaxı” isə 14 xalla 8-ci pillədə qərarlaşmışdı. Ayxan Abbasovun komandası böyük sürprizə imza atıb bu oyunda qalib gələ bilsə, özündən öndə olan “Neftçi”ni (16 xal) qabaqlamış olacaqdı. Amma bu, heç də inandırıcı görünmürdü. Çünki “Şamaxı” Premyer Liqada 10 oyun idi qələbə qazana bilmirdi. Əyalət təmsilçisi bu görüşlərdə cəmi 3 heç-heçə edə bilmişdi.
Elə bu oyunda da ənənə davam edib. Düzdür, “Qarabağ” qələbə qolunu əlavə olunmuş son saniyələrdə vura bilib. Amma bu, liderin səfərdən 3 xalla qayıtması üçün yetərli olub.
Premyer Liqa
3-cü turdan təxirə salınmış oyun
19 dekabr
“Şamaxı” – “Qarabağ” 0:1
Qol: Musa Qurbanlı, 90+4.
Hakimlər: Rəşad Əhmədov, Vüsal Məmmədov, Teymur Teymurov, Rauf Allahverdiyev.
VAR: İnqilab Məmmədov.
AVAR: Namiq Hüseynov.
Hakim-inspektor: Rəhim Həsənov.
AFFA nümayəndəsi: Azər Əsgərov.
Şamaxı şəhər stadionu, 14:00.
Şamaxı: 1. Rikardo Fernandes, 17. Rafael Məhərrəmli, 5. Arsen Ağcabəyov, 6. Rauf Rüstəmli, 82. Rüfət Abbasov, 24. Edqar Adilxanov ,32. Vasiliye Radenoviç, 20. Leroy Mikels (k), 93. Brahim Konate, 9. Belajdi Pusi, 66. Vasiliye Bakiç.
Ehtiyat oyunçular: 85. Kamal Bayramov, 62. Abdulla Seydəhmədov, 60. Səbayıl Bağırov, 10. Emin Zamanov, 80. Zahid Mərdanov, 13. Ramin Əhmədov, 22. Qurban Səfərov, 19. Fəxri Məmmədli, 11. Conatan Benteke.
Baş məşqçi: Ayxan Abbasov.
Qarabağ: 1. Şahrudin Məhəmmədəliyev, 20. Riçard Almeyda (k), 30. Abbas Hüseynov, 44. Elvin Cəfərquliyev, 10. Abdullah Zubir, 8. Marko Yankoviç, 2. Mateus Silva, 6. Julio Romao, 19. Redon Cica, 15. Leandro Andrade, 21. Aleksey Kaşuk.
Ehtiyat oyunçular: 99. Mateus Koxalski, 97. Fabian Buntiç, 12. Sadiq Məmmədzadə, 27. Toral Bayramov, 22. Musa Qurbanlı, 90. Nəriman Axundzadə, 29. Marko Veşoviç, 66. Patrik Andrade, 7. Yassin Benzya, 18. Olavio Juninyo, 11. Emmanuel Addai.
Baş məşqçi: Qurban Qurbanov.
