Suriyanın keçmiş prezidenti Bəşər Əsəd Dəməşqi tərk etmədən bir neçə gün əvvəl hakimiyyətin müxalif qüvvələr tərəfindən ələ keçirilməsi fonunda silahlılarla danışıqlar aparmaq üçün Rusiya ilə əlaqə saxlamağa çalışıb.
OXU24.COM xəbər verir ki, bu barədə “Financial Times” mənbələrə istinadən məlumat yayıb.
Qeyd olunur ki, Əsəd Moskvaya Cenevrədə Suriya müxalifətinin nümayəndələri ilə danışıqlara hazır olduğuna işarə edib. Ancaq bu mesaj Rusiyaya çatmayıb.
Nəşrin məlumatına görə, siyasətçi dekabrın 7-də böyük oğlu Hafizlə Rusiya zirehli maşını ilə Dəməşqdən çıxıb, o, Rusiyanın Xmeymim aviabazasına yollanıb.
