Rusiya ABŞ və digər Qərb ölkələri ilə münasibətləri normallaşdırmağa hazırdır, lakin Rusiyanın maraqlarının zərərinə deyil.
Axar.az xəbər verir ki, bu sözləri Rusiya Prezidenti Vladimir Putin jurnalist Pavel Zarubinə müsahibəsində deyib.
“Əgər istək varsa, hər şey etmək olar. Bizdə bu istək heç vaxt itməyib”, - Putin Rusiya-ABŞ münasibətlərinin qurulmasının mümkünlüyü barədə sualı cavablandırarkən bildirib.
Onun sözlərinə görə, beynəlxalq münasibətlərdə hər şey dəyişir, yalnız maraqlar dəyişməz qalır - bu halda Rusiya və onun xalqının maraqları:
“Əgər biz vəziyyətin elə dəyişdiyini görsək ki, başqa ölkələrlə əlaqələr qurmaq üçün imkanlar və perspektivlər var, buna hazırıq. Sual bizdən yox, onlardan gedir. Ancaq Rusiya Federasiyasının maraqlarının zərərinə deyil”.
