İngiltərə Premyer Liqasının “Kristal Pelas”la 17-ci tur səfər oyunu “Arsenal” üçün əlamətdar tarixi rekordla yadda qalıb.
Arena.az az xatırladır ki, “topçular” “qartallar”ı 5:1 hesabı ilə yoluq-yoluq ediblər.
Bu darmadağın nəticəsində paytaxt təmsilçisi İngiltərə Premyer Liqasının bütün klubları arasında müstəsna tarixi rekorda imza atıb.
Bu səfər oyunu “topçular”ın 2024-cü ildə bütün yarışlar çərçivəsində 5 və ya daha çox qol vurduğu 6-cı oyun olub. Bu, İngiltərə Premyer Liqasının klubları arasında bir təqvim ili ərzində tarixin ən yaxşı nəticəsidir.
Əlavə edək ki, “topçular” noyabrın 6-da Çempionlar Liqası çərçivəsində səfərdə “İnter”ə 0:1 hesabı ilə uduzduqlarından bəri, indiyədək məğlubiyyət tanımırlar.
17 oyundan 33 xalla “Arsenal” İngiltərə Premyer Liqasının yarış cədvəlinin 3-cü pilləsində qərarlaşıb.
Premyer Liqaya 15 oyundan 36 xalla “Liverpul” başçılıq edir.
