2024-cü ildə Misli Premyer Liqasında 180 oyun keçirilib.
Fanat.Az xəbər verir ki, 2023/24 mövsümünün ikinci, cari çempionatın ilk yarısını əhatə edən bu matçlarda 472 qol vurulub.
9 komanda hər iki mövsümdə, “Qəbələ” və “Şamaxı” yarım il ərzində Premyer Liqada mübarizə aparıb.
İlin ən yaxşısı “Qarabağ” olub. 36 matçda 89 xal toplayan Qurban Qurbanovun yetirmələri böyük fərqlə digər komandaları üstələyiblər. 28 qələbəsi olan Ağdam klubu qol sayında “100”ün bir addımlığında qalıb.
“Sabah” ikinci, “Zirə” üçüncü göstəriciyə malikdir. Qəsəbə klubu 36 oyun keçirənlər arasına ən az top buraxan komandadır.
1. Qarabağ 36 28 5 3 99-30 89
2. Sabah 36 17 11 8 52-42 62
3. Zirə 36 17 8 11 48-28 59
4. Turan Tovuz 36 15 13 8 48-40 58
5. Sumqayıt 36 14 8 14 33-41 50
6. Araz-Naxçıvan 36 14 7 15 32-44 49
7. Neftçi 36 11 12 13 46-50 45
8. Kəpəz 36 9 5 22 40-79 32
9. Səbail 36 6 7 23 40-63 25
10. Şamaxı 18 4 5 9 16-23 17
11. Qəbələ 18 3 3 12 18-32 12
