Çin robototexnika startapı olan "Agibot" Teslanın "Project Optimus" layihəsi ilə rəqabət aparmaq üçün ilin sonuna qədər 1000 insanabənzər robot buraxmağı planlaşdırır.
Redaktor.az xəbər verir ki, 2023-cü ilin fevralında qurulan şirkət eyni ilin avqustunda ilk insanabənzər modeli olan "Raise A1"i təqdim edib.
Şanxayda yerləşən şirkət robotların yığılması, sınaqdan keçirilməsi və insanlarla robotlar arasında əməkdaşlığın daxil olduğu istehsal prosesini əks etdirən video yayımlayıb. "Agibot" artıq 962 ədəddən çox istehsal edib və robotun işini yaxşılaşdırmaq üçün real dünya məlumatlarını toplayır.
"Raise A1"dən başqa, "Agibot" bir neçə başqa model, o cümlədən iynəni saplaya bilən və mürəkkəb tapşırıqları yerinə yetirə bilən yüksək texnologiyalı robot "Yuanzheng A2"ni hazırlayıb. Şirkət həmçinin təmizlik və sənaye istifadəsi üçün xüsusi robotlar istehsal edir.
Sevinc İBRAHİMZADƏ
