1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
"Deja Vü" filminin ulduzu, amerikalı aktyor Denzel Vaşinqton rəsmən keşiş olub.
Oxu.Az-ın verdiyi məlumata görə, bu barədə "Page Six" nəşri yazır.
Bildirilir ki, 69 yaşlı Vaşinqton Nyu-Yorkdakı "Kelly Temple Church of God in Christ" kilsəsində xaç suyuna salınıb. Bundan sonra o, din xadimi lisenziyası alıb.
Xaç suyuna salınma mərasimi zamanı aktyor dindarlar qarşısında öz imanından danışıb.
Tədbirdə 46 il bir yerdə olduğu həyat yoldaşı Pauletta Vaşinqton da iştirak edib. O, əri ilə fəxr etdiyini bildirib.
Qeyd edək ki, Denzel Vaşinqton Hollivudun ən tanınmış aktyorlarından biridir. O, iki "Oskar" və bir çox digər mükafatların sahibidir. Ulduzun filmografiyasında " Philadelphia", " The Hurricane" və " The Book of Eli" kimi şedevrlərin də daxil olduğu 50-dən çox film var.
