Apellyasiya Arbitraj Tribunalı “Sumqayıt” klubunun şikayətinə baxıb.
“Qafqazinfo” AFFA-nın rəsmi saytına istinadən xəbər verir ki, “gənclik şəhəri” təmsilçisinin şikayəti təmin edilməyib.
AFFA Gənclər Liqasında keçirilən “Sumqayıt” – “Zirə” oyununda birincilərin baş məşqçisi Kənan Hacıyev hakimlər otağına daxil olaraq təhqiredici sözlər işlətdiyinə görə onun 5 oyun cəzalandırılması barədə AFFA İntizam Komitəsinin qərarı qüvvədə saxlanılıb.
Klub bu qərardan Lozannadakı (İsveçrə) İdman üzrə Arbitraj Məhkəməsinə (CAS) şikayət vermək hüququna malikdir.
