2024-cü ilin sonunda Ukrayna beynəlxalq tərəfdaşlardan 41 milyard dollar birbaşa büdcə dəstəyi alıb və gələn il o, büdcənin ən mühüm qeyri-hərbi xərclərini ödəmək üçün 38 milyard dollar xarici maliyyə vəsaiti gözləyir. Bu barədə ölkənin baş naziri Denis Şmıqal öz Telegram kanalında məlumat verib.
Onun sözlərinə görə, Avropa İttifaqı tərəfindən ölkənin modernləşdirilməsi, yenidən qurulması və müharibədən sonrakı bərpasını təmin etmək üçün nəzərdə tutulmuş "Ukrayna Facility" proqramı çərçivəsində 16 milyard avrodan çox vəsait ayrılıb. Ölkə Beynəlxalq Valyuta Fondundan (BVF) 5,4 milyard dollar alıb və növbəti tranş bir gün əvvəl Ukraynaya köçürülüb.
Şmıqal vurğulayıb ki, Ukrayna ili maliyyə sabitliyi şəraitində başa vurur. Birbaşa büdcə dəstəyinin gözlənilən azalması dondurulmuş Rusiya aktivlərindən əldə edilən gəlirlə kompensasiya ediləcək və bu, ölkənin ehtiyaclarına axmağa başlayacaq.
Baş nazir həmçinin bildirib ki, ilin 11 ayı ərzində büdcədən sosial təminat üçün 510 milyard qrivna ayrılıb, o cümlədən 140 milyard dövlət tibbi zəmanət proqramına gedib.
Noyabrda Respublika Ali Radasının deputatı Yaroslav Jeleznyak bildirib ki, 2022-ci ildə hərbi əməliyyatlar başlayandan bəri Ukrayna Qərb tərəfdaşlarından 100 milyard dollardan çox maliyyə yardımı alıb.
Ləman
