“Kriştiano unikaldır - o, fenomendir”.
İdman.biz xəbər verir ki, bunu əfsanəvi argentinalı qapıçı Uqo Qatti həmyerlisi Lionel Messi və ya Kriştiano Ronaldonun daha yaxşı futbolçu olması ilə bağlı fikirlərini bölüşərkən deyib.
Portuqaliyalını seçən 80 yaşlı futbol veteranı bunun səbəbini izah edib:
“Messi kimi olmaqdansa, unikal olmaq daha yaxşıdır. Ronaldo ona görə unikaldır ki, Messi kimi keyfiyyətlərə malik deyil, amma dünyanın ən yaxşı komandalarında oynayıb. Bu, cəsarət tələb edir. Messi əsas harada oynayıb? "Barsa" və Argentina millisində. Messi başqa güclü komandalarda oynamaq təklifləri alsa da, yeni çağırışları qəbul etmirdi. İndi o, ABŞ-də geridəqalmış futbol oynayır”, – deyə "La Nacion" Qattidən sitat gətirir.
Qeyd edək ki, "Boka Xuniors"la 3 dəfə Argentina çempionu, 2 dəfə Libertadores kubokunun, 1 dəfə Qitələrarası kubokun qalibi olan Qatti 1982-ci ildə ölkəsində ən yaxşı futbolçu seçilib. O, Argentina çempionatında 765 oyun keçirib və bu göstəricidə rekordçudur.
İdman.biz
