İraq ərazilərinin Türkiyəyə hücumlar üçün istifadə edilməsinə icazə verməyəcəyik.
“İki sahil” “CNN Türk”ə istinadən xəbər verir ki, bunu İraqın baş naziri Məhəmməd Şiya Sudani Atlantik Şurasında çıxışı zamanı deyib.
O bildirib ki, Türkiyə Prezidenti Rəcəb Tayyib Ərdoğanın İraqa səfəri ötəri xarakter daşımayacaq: “Türkiyə ilə İraq arasındakı mövcud məsələləri təxirə salmaq əvəzinə, onların həll yolunu tapmağa yönəlik niyyəti ilk dəfədir, görürük”.
Qeyd edək ki, R.T.Ərdoğanın aprelin 22-də İraqa gedəcəyi gözlənilir. Bu, Türkiyə Prezidentinin İraqa 12 ildən sonra ilk səfəri olacaq.
