"Bu, Putin rejiminin mənəviyyatsızlığından xəbər verir..."
"UTX işçiləri hörmətə layiqdir, çünki onlar bilavasitə Dövlət Mühafizə Xidmətində fəaliyyət göstərən casusları aşkar etməyə nail olub..."
Ukrayna Təhlükəsizlik Xidməti (UTX) Rusiya FTX-nın Ukrayna prezidenti Vladimir Zelenskini aradan götürməyi planlaşdıran beş casus şəbəkəsini ifşa edib. Qrup həmçinin UTX rəhbəri Vasili Malyuk və Baş Kəşfiyyat İdarəsinin (BKİ) rəhbəri Kirill Budanovu aradan götürməyi planlaşdırıb.
Moderator.az xəbər verir ki, bu barədə "dw.com" nəşri məlumat yayıb.
Bu məlumata Amerika Birləşmiş Ştatları münasibət bildirib. O cümlədən Dövlət Departamentinin nümayəndəsi Metyu Miller brifinq zamanı bəyan edib ki, bu, Putin rejiminin mənəviyyatsızlığından xəbər verir.
"Aydındır ki, bu, yalnız münaqişə başlanandan Putin rejiminin müşahidə etdiyimiz mənəviyyatsızlığından xəbər verir", - o, vurğulayıb.
Zelenskinin həyatına sui-qəsd
Mayın 7-də Ukrayna Təhlükəsizlik Xidməti Ukrayna prezidenti Vladimir Zelenskinin qətlini planlaşdıran FTX-nın beş casus şəbəkəsinin ifşa edilməsi barədə məlumat yayıb.
O cümlədən Ukrayna Sərhəd Mühafizəsinin iki polkovniki saxlanılıb. Onlar Rusiya Federasiyasına məxfi məlumatlar sızdırıb.
Hərbi ekspert, Ukrayna Silahlı Qüvvələrinin polkovniki Vladislav Seleznyov deyir ki, Ukrayna ərazisində Rusiyanın çoxlu casusları fəaliyyət göstərir.
Onun sözlərinə görə, UTX işçiləri hörmətə layiqdir, çünki "bilavasitə Ukraynanın Dövlət Mühafizəsi Xidmətində, yəni prezidentimizin həyatı və sağlamlığına cavabdeh olan qurumda ciddi şəkildə fəaliyyət göstərən casusları aşkar etmək mümkün olub".
Qeyd etmək lazımdır ki, bu qrup təkcə Zelenski deyil, həmçinin UTX rəhbəri Vasili Malyuk və BKİ rəhbəri Kirill Budanovun həyatına sui-qəsd hazırlayıb.
Ukrayna xüsusi xidmət orqanlarının məlumatına görə, sui-qəsd planı belə olub: ilkin olaraq əməkdlığa cəlb edilən casus mühafizə olunanın hərəkət istiqamətlərini müşahidə etməli və bu barədə FTX-ya məlumat verməlidir.
Məmurun olduğu binanın koordinatlarına uyğun olaraq raket zərbəsi endirmək planlaşdırılıb.
Sonra dronla məhv edilən yerdə qalan insanlara hücum planlaşdırılıb.
Bundan sonra rusiyalılar daha bir raketlə o cümlədən drondan istifadə edilməsinin izlərini itirmək üçün daha bir raketlə zərbə endirmək planlaşdırılıb.
Dövlət Mühafizə İdarəsinin saxlanılan polkovniklərinin adları açıqlanmır. Bu zaman "RBK Ukraina" nəşri xüsusi xidmət orqanlarındakı mənbələrə istinadən saxlanılanlardan birnin adını açıqlayıb.
Nəşrin məlumatına görə, bu, Dövlət Mühafizə İdarəsinin departamentlərindən birinə rəhbərlik etmiş Andrey Qukdur.
