Baş nazir Abxaziya və Cənubi Osetiyanın qaytarılmasından danışdı
Gürcüstan Abxaziya və Cənubi Osetiyanı öz nəzarətinə qaytarmağı və 2030-cu ildə Avropa İttifaqına (Aİ) üzv olmağı planlaşdırır.
Qaynarinfo xəbər verir ki, bu barədə baş nazir İrakli Kobaxidze X sosial şəbəkəsində yazıb.
"Bizim gürcü arzumuz 2030-cu ilə qədər abxaz və osetin qardaş və bacılarımızla birlikdə vahid və güclü Gürcüstanda yaşamaqdır. Vahid və güclü Gürcüstan 2030-cu ildə Avropa ailəsinin tamhüquqlu üzvü olmalıdır", deyə siyasətçi yazıb.
Fevral ayında Kobaxidze Gürcüstan-Avropa İttifaqı Assosiasiya Şurasının iclasının yekunlarına dair brifinqdə bildirmişdi ki, ölkə 2030-cu ilə qədər Avropa İttifaqına daxil olmağı gözləyir.
Aydın
