Fələstin əsilli amerikalı məşhur supermodellər Cici və Bella Hadid 1 milyon dollar ianə bağışlayıb.
Azmedia.Az xəbər verir ki, modellər bu pulu Fələstinə yardım məqsədi ilə ianə ediblər. Pulun göndərildiyi fondlar fələstinlilərin qida, tibbi ehtiyacları, psixoloji xidmətlər və evindən didərgin düşənlərə yardım məqsədi ilə istifadə olunacaq.
Qeyd edək ki, daha əvvəl Bella və Cici ilə yanaşı ataları Məhəmməd də Fələstini dəstəklədiklərini ifadə edən paylaşımlar yayımlayıb. Onlar buna görə ölümlə də təhdid olunublar.
