Almaniya Müdafiə Nazirliyi öz qoşunlarının sayını 75 min əsgər artıracaq.
Busaat.az xəbər verir ki, bu barədə “Spiegel” qəzeti rəsmi sənədi istinadən yazır.
Nəşrin məlumatına görə, Bundesverin şəxsi heyəti əvvəllər planlaşdırılan 275 min əvəzinə 200 minə qədər artmalı və ümumi sayı 465 min hərbçiyə çatmalıdır. Almaniyanın Müdafiə Nazirliyi NATO-nun qarşılıqlı müdafiə haqqında nizamnaməsinin 5-ci maddəsinin tətbiqi halında bunun lazım olduğunu açıqlayıb.
Qeyd edilir ki, Şimali Atlantika İttifaqının dəstək qüvvələri də daxil olmaqla əlavə korpuslar, bölmələr və briqadalar tələb etməsi, Bundesverin əlavə 75 000 əsgərə ehtiyacı olduğunu göstərir.
