Rusiya Federasiyası ilə qeyri-strateji nüvə qüvvələrinin birgə təlimləri göstərdi ki, Belarus Silahlı Qüvvələri xüsusi nüvə silahından istifadə etməyə hazırdır.AFN.az xarici mediaya istinadən xəbər verir ki, bunu Belarus Silahlı Qüvvələrinin Baş Qərargah rəisi, general-mayor Pavel Muraveyko bildirib. Baş Qərargah rəisi həmçinin qeyd edib ki, belə təlimlər ölkənin hazırlığını və potensialını artırmaq yollarından biridir. Onun sözlərinə görə, təlimlər çərçivəsində “İsgəndər” operativ-taktiki raket kompleksləri təyin olunmuş ərazilərə keçib, xüsusi döyüş sursatı alıb, onları döyüş bölmələri ilə birləşdirib və döyüş növbətçiliyinə keçib.
