Fransanın “Orano” şirkəti Niger hakimiyyətinin razılaşmanın uzadılmasına razı olmadığı üçün “İmuraren” mədənində uranın işlənməsi hüququnu itirmək riski ilə üzləşib.
“Report” xəbər verir ki, bu barədə “Bloomberg” məlumat yayıb.
Niger Fransa nüvə şirkətinin aktivin işlənməsi planını rədd etdikdən sonra “Orano SA” iyunun 19-dan etibarən dünyanın ən böyük yataqlarından birində uran hasilatı hüququnu itirə bilər.
“İmuraren” yatağının təklif olunan işlənmə planı hakimiyyətin gözləntilərinə cavab vermir”, - Niger Mədən Nazirliyinin məktubunda qeyd edilib.
Məlumatda vurğulanıb ki, ikinci və son bildiriş iyunun 19-da başa çatır, bundan sonra şirkətin fəaliyyət icazəsi ləğv ediləcək.
