Azərbaycan millisinin sabiq üzvü Elvin Yunuszadə şou proqramda qonaq olub.
Müdafiəçi “Atv” telekanalında yayımlanan “El canlı” verilişinə dəvət alıb.
Elvin studiyaya əliboş gəlməyib. O, proqramın aparıcısı Elcan Rəsulova 2017-ci ildə “Qarabağ”ın heyətində “Çelsi”yə qarşı oyunda geyindiyi formanı gətirib.
Tanınmış aktyor hədiyyəni böyük məmnuniyyətlə qəbul edib.
Yunuszadə studiyada olduğu saatyarım ərzində karyerası ərzində başına gələn maraqlı hadisələri nəql edib, ad günündə vurduğu avtoqoldan, əsəbi halda qapının şüşələrini sındırmasından, xarici ölkədən aldığı dəvətdən danışıb.
Maraq üçün bildirək ki, 31 yaşlı futbolçunun sonuncu iş yeri I Liqadan uzaqlaşdırılan “İrəvan” olub.
HƏBİB / SPORTİNFO.AZ
