Macarıstan Ukrayna ilə qlobal əməkdaşlıq sazişi imzalamaq istəyir.
Bunu Macarıstanın Baş naziri Viktor Orban Kiyevdə Prezident Volodimir Zelenski ilə birgə mətbuat konfransı zamanı deyib.
Onun sözlərinə görə, sənəd ölkələr arasında münasibətləri tənzimləyəcək və Ukrayna ilə Macarıstan arasında ikitərəfli münasibətlərə eyni yanaşmasına əsaslana bilər:
“Əvvəlki mübahisələri aradan qaldırmağa və gələcəyə fokuslanmağa çalışırıq. Ölkələrimiz arasında münasibətləri yaxşılaşdırmaq istəyirik. Biz digər qonşu ölkələrlə bağladığımız müqavilələr kimi, Ukrayna ilə də qlobal əməkdaşlıq sazişi imzalamaq istəyirik”.
Baş nazir əlavə edib ki, Budapeşt imkanlarına uyğun olaraq Ukrayna iqtisadiyyatının gələcək modernləşdirilməsində iştirak edəcək.
