Çinin yük avtomobilləri Transxəzər Beynəlxalq Nəqliyyat Marşrutundan (Orta Dəhliz) istifadə etməyə başlayıb.
AZƏRTAC xəbər verir ki, 26 yük avtomobilindən ibarət ilk konvoy iyulun 3-də Qazaxıstanın Kurik limanında ASCO-nun Dəniz Nəqliyyatı Donanmasına məxsus "Merkuri-1" gəmi-bərəsinə yüklənərək yola salınıb. Artıq Azərbaycana çatan avtomobillər buradan Gürcüstan və Türkiyə vasitəsilə Avropa ölkələrinə göndəriləcək.
Qeyd edək ki, bundan öncə cari ilin mayında Çin Avropaya Kurıkdan Orta Dəhliz ilə sınaq olaraq, 80 ton ağırlığında üç yük maşını göndərmişdi.
