Bakıda təlim məşq toplanışında olan Azərbaycanın oğlanlardan ibarət basketbol üzrə U-16 və U-18 milliləri yoldaşlıq oyununda üz-üzə gəliblər.
Rekord.az xəbər verir ki, Texniki Universitetin idman zalındakı qarşılaşma U-16 yığmasının qələbəsi ilə yekunlaşıb - 65:58.
Yeniyetmələrin hazırlıq prosesindəki əsas məqsədi müvafiq olaraq 9-14 iyul aralığında Albaniyanın paytaxtı Tirana və iyulun 23-dən 28-dək eyni ölkənin Elbasan şəhərində keçiriləcək Avropa çempionatı C divizionunun oyunlarına hazırlaşmaqdır.
Qeyd edək ki, U-16 millisinin toplanışı iyulun 6-da, digər komandanın isə iyulun 15-də başa çatacaq.
