Vaşinqton və müttəfiqləri Ukraynanın hava hücumundan müdafiə imkanlarını gücləndirmək üçün yeni addımlar atmaq niyyətindədirlər.
NOCOMMENT.az xəbər verir ki, bu barədə BBC məlumat yayıb.
Məlumata görə, bu həftə Amerika lideri Ukrayna Prezidenti Volodimir Zelenski ilə görüşəcək. Baydenin sözlərinə görə, ABŞ müttəfiqləri ilə birlikdə Ukraynanın hava hücumundan müdafiə sistemini gücləndirmək üçün yeni tədbirləri elan edəcək.
Qeyd edək ki, bir müddət əvvəl ABŞ NATO sammitində Bayden və Zelenski arasında görüş keçiriləcəyini açıqlamışdı.
