2024-cü il sentyabrın 1-də Azərbaycan Respublikası Milli Məclisinə keçiriləcək növbədənkənar seçkilərin təşviqat mərhələsi çərçivəsində 120 saylı Cəbrayıl-Qubadlı seçki dairəsindən namizəd vəkil Sərdar İsmayılovun növbəti görüşü Bakı şəhəri, Suraxanı rayonunda Balyand və Hovuslu kəndindən olan seçicilərlə baş tutub.
Sfera.az xəbər verir ki, görüşdə iştirak edən seçicilərə Sərdar İsmayılovun seçki platforması açıqlanıb, görüləcək işlərin istiqamət planı deyilib, problemlərin aradan qaldırılması istiqamətində həll yolları nəzərə çatdırılıb.
Qeyd edək ki, yüksək əhval-ruhiyyədə keçən görüşdə seçicilər də öz fikirlərini səsləndirib, gənc və prespektivli vəkil, deputatlığa namizəd Sərdar İsmayılova uğurlar arzulayıb, səslərini ona verəcəklərini bildiriblər.
