Qusar rayonunda İmanqulukəndində minlərlə insan toyda iştirak edib.
XALQ.AZ məlumat verir ki, dünən Qusar rayonu İmanqulukəndində toy mərasimi keçirilib.
Yeni ailə quranları təbrik etmək üçün 61 saylı Qusar seçki dairəsində deputatlığa namizəd, ehtiyatda olan polkovnik Rəşad Aslanov el şənliyində iştirak edib. Rəşad Aslanov gənclərə öz təbrikini çatdıraraq xoşbəxtlik arzulayıb. Məlumata görə, Rəşad Aslanovun toy mərasimində iştirak etməsini bilən qonşu kəndlərin sakinləridə el şənliyinə qatılıblar.
Qeyd edək ki,ehtiyatda olan polkovnik Aslanov Rəşad Əmirbəy oğlu 1979-cu ildə Qusar şəhərində ziyalı ailəsində anadan olub. 2013-2020-ci illərdə müxtəlif xüsusi təyinatlı hərbi hissələrin komandiri vəzifəsində xidmət edib. 44 günlük Vətən müharibəsində gedən döyüşlərdə tabeliyində olan xüsusi təyinatlı bölmələrə yüksək peşəkarlıqla rəhbərlik edib. Ali Baş Komandan İlham Əliyev tərəfindən “İgidliyə görə” medalı ilə təltif olunub. Vətən müharibəsində göstərdiyi şücaətlərə görə Ali Baş Komandan İlham Əliyev tərəfindən “QARABAĞ” ordeni ilə, “Şuşanın azad olunmasına görə”, “Xocavəndin azad olunmasına görə”, “Füzulinin azad olunmasına görə” və “Vətən müharibəsi iştirakçısı” medalları ilə təltif olunub. 2022-ci ildə polkovnik hərbi rütbəsini alıb. Azərbaycan, rus və ingilis dillərini bilir. Vətən Müharibəsində yaralandığına görə ordu sıralarından ehtiyata buraxılıb. Ailəlidir, 2 övladı var.
