İstanbul, 29 avqust, Günel Karatepe, AZƏRTAC
İstanbulun iki qitəsini birləşdirən yüksəksürətli sərnişin nəqliyyat vasitələrindən olan metrobus xəttində qəza baş verib.
“İki sahil” Türkiyə mətbuatına istinadən xəbər verir ki, hadisə zamanı on sərnişin müxtəlif bədən xəsarətləri alıb. Onlardan üçünün vəziyyəti ağırdır.
Qəza şəhərin Avropa qitəsində yerləşən Küçükçekmece rayonu ərazisində qeydə alınıb.
Hadisə ilə bağlı araşdırma aparılır.
