Abşeronda gözəllik salonundan oğurluq edilib.
Daxili İşlər Nazirliyindən Lent.az-a verilən xəbərə görə, noyabrın 13-nə keçən gecə Saray qəsəbəsi ərazisində yerləşən gözəllik salonlarının birindən 20.000 manat dəyərində 2 ədəd lazer aparatı oğurlanıb.
Abşeron rayon Polis İdarəsi əməkdaşlarının keçirdikləri tədbirlərlə oğurluqda şübhəli bilinən Bakı şəhər sakinləri Samir Bayramov və Vüsal Hacıbəyov müəyyən olunaraq saxlanılıblar.
Araşdırma aparılır.
