…Belarus Çinin razılığı olmadan "Polonez" çoxillik raket sistemlərini Rusiyaya ötürə bilməyəcək.
SİA-nın əldə etdiyi məlumata görə, köşə yazarı Nikola Mikoviç bu barədə South China Morning Post üçün yazıb. Onun sözlərinə görə, “Polonez”də Çin istehsalı olan raketlərdən istifadə edildiyi üçün onun Belarusdan Rusiyaya potensial ötürülməsi Çinin razılığını tələb edəcək.
…Mikoviç qeyd edib ki, Pekin və Minsk öz aralarında Rusiya ilə hərbi əməkdaşlıqda Qərbin qırmızı xətlərini keçməməyə çalışırlar, bu səbəbdən də yaxın gələcəkdə onların əlaqələri əsasən iqtisadi sahədə qalacaq.
…Çin nöqteyi-nəzərindən Belarus təkcə mühüm tərəfdaş deyil, həm də onun “Bir kəmər və yol” təşəbbüsü, eləcə də Çin və Avropa arasında yük qatarları üçün mühüm mərkəzdir. Buna görə də, təəccüblü deyil ki, hər iki ölkə Çin-Avropa yük qatarlarında infrastruktur əlaqələrini inkişaf etdirmək və Çin-Avropa dəmir yolu nəqliyyat dəhlizinin təhlükəsizliyini birgə gücləndirmək barədə razılığa gəliblər.
Bunuanalitik əlavə edib.
…“Military” nəşrinin məlumatına görə, 301 mm-lik ağır MLRS “Polonez” Çinin GATSS çoxfunksiyalı raket sistemi üçün uyğunlaşdırılmış Belarus təkərli MZKT-7930 “Astroloq” şassidir. Kompleksin atış məsafəsi modifikasiyadan asılı olaraq 200 ilə 300 kilometr arasında dəyişir.
Əli Babayev
