Portuqaliyanın ikinci ən böyük şəhəri və Avropanın ən ucuz şəhər tətil məkanlarından biri olan Portu həddindən artıq turizmlə mübarizə çərçivəsində turist vergisini 2 avrodan 3 avroya qaldırdığını açıqlayıb.
Qaynarinfo xəbər verir ki, bu barədə "The Sun" Portu şəhər şurasının bəyanatına istinadən yazıb.
Nəşr qeyd edir ki, şəhərdə gecələyən turistlər bu məbləği ödəməli olacaqlar. Üstəlik, söhbət şəhərin bütün qeyri-rezidentlərindən gedir - təkcə əcnəbilər deyil, həm də digər bölgələrdən olan Portuqaliya vətəndaşlarına aiddir.
Şəhərin meri Rui Moreyra hesab edir ki, hazırkı 2 avro vergi kifayət deyil və hakimiyyət şəhəri davamlı turizm məkanı kimi saxlamaq üçün daha çox iş görməlidir.
"Portu dayanıqlı turizm məkanı kimi dəstəkləmək, deqradasiyanın və həddindən artıq məşğulluğun qarşısını almaq lazımdır ki, bu da turizmin idarə edilməsi siyasətinin tənzimlənməsini nəzərdə tutur", deyə mer bildirib.
Portu Şəhər Şurası yeni turist vergisi məbləğini mədəniyyət, irs, ətraf mühit, enerji, həyat keyfiyyəti, şəhərsalma, mənzil və nəqliyyat kimi sahələrdə keçən ilki turizm xərclərinə əsaslanır ki, bu da şəhər merinin sözlərinə görə, turizmi təmin etmək üçün zəruridir.
"Bu xərclərə əlavə olaraq, Portu brendi, şəhərdə turizmin təşviqi, Portu brendinin beynəlmiləlləşdirilməsi və turizm xidmətinin modernləşdirilməsi üçün xərc maddələri var", deyə Moreyra əlavə edib.
Yeniliyin hansı tarixdən qüvvəyə minəcəyi hələ məlum deyil.
Bundan əvvəl Portuqaliyanın paytaxtı Lissabon da turistlər üçün verginin artdığını elan edib. Bu şəhərdə məbləğ 2 avrodan 4 avroya qaldırılıb.
Bundan əlavə, 2024-cü ilin yazında Portuqaliyanın daha bir neçə məşhur şəhəri, xüsusən də məşhur Alqarve bölgəsində turistlər üçün yeni vergilər tətbiq edib.
Aydın
