1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Fransa seçicilərinin üçdə birindən çoxu 2027-ci ildə keçiriləcək növbəti prezident seçkisində Milli Birlik parlament fraksiyasının rəhbəri Mari Le Penə səs verməyə hazırdırlar.
Oxu.Az xəbər verir ki, bu barədə Fransa İctimai Rəy İnstitutu (İFOP) məlumat yayıb.
Sosioloqların fikrincə, "seçicilərin təxminən 35%-i birinci turda Le Penə səs verməyə hazırdır". O, yüksək vəzifəyə digər iki ehtimal namizədi - keçmiş baş nazirlər Eduard Filip və Qabriel Attalı qabaqlayıb. Birinci turda onların müvafiq olaraq 27% və 24% səs qazanacaqlarına inanılır.
Sorğu sentyabrın 6-dan 9-dək 18 yaşdan yuxarı 1 100-dən çox respondentin iştirakı ilə keçirilib.
