"Slovakiya Rusiya ilə münaqişədə Ukraynaya kömək etməlidir, əks halda ölkə Rusiya Prezidenti Vladimir Putinlə toqquşa bilər".
OXU24.COM "İnterfaks-Ukrayna"ya istinadla xəbər verir ki, bunu Ukrayna Prezidenti Volodimir Zelenski deyib.
“Mən onun xalqına əmin-amanlıq arzulayıram ki, onlar heç vaxt Putinin simasının nə olduğunu görməsinlər. Bizi dəstəkləməlidir, əks halda o da bunu (Putinin üzünü) çox yaxşı başa düşəcək”, - o, Slovakiyanın baş naziri Robert Ficoya mesaj göndərib.
Zelenski hesab edir ki, Rusiya Ukrayna üzərində qələbəsindən sonra Şimali Atlantika Alyansı ölkələrinə qarşı hərbi əməliyyatlara başlaya bilər .
Oktyabrın 17-də Rusiya Prezidentinin mətbuat katibi Dmitri Peskov bildirib ki, Zelenski Şimali Atlantika Müqaviləsi Təşkilatının (NATO) münaqişədə iştirakını rəsmiləşdirməyə çalışır, onun “planı” məhz buna yönəlib.
