Bu fikirləri AZƏRTAC-a açıqlamasında siyasi şərhçi, "İslahatçı Gənclər" İctimai Birliyinin sədri Fərid Şahbazlı söyləyib.
Qərbin birqütblü dünya qurmaq niyyətindən bəhs edən siyasi şərhçi qeyd edib ki, müstəqil siyasət yürüdən ölkələrə qarşı hücumlar məhz bu səbəbdən qaynaqlanır. Ermənistan Azərbaycanın 20 faiz torpağını 30 il işğal altında saxlayıb, bir milyondan artıq vətəndaşımızı doğma yurd-yuvasından didərgin salıb. Eyni zamanda, Azərbaycanın ərazilərini xarabalığa çevirib, ekoloji və mina terroruna məruz qoyub. Xocalıda və digər şəhərlərimizdə soyqırımı hücumu həyata keçirib. Bu müddətdə Ermənistanın işğalçı və terrorçu mövqeyinə qarşı heç bir real addım atmayan Qərb dairələri tarixi Zəfərdən sonra Ermənistandan dəymiş zərərə görə kompensasiya tələb etmək əvəzinə, ölkəmizə qarşı hücumlara start veriblər. Heç şübhəsiz ki, onların sülh çağırışları da səmimi deyil. Aydın şəkildə başa düşürlər ki, Azərbaycan Cənubi Qafqazın lider dövlətidir və onun iştirakı olmadan regionda heç bir layihə işlək olmayacaq. Bütün bunların fonunda Azərbaycanın müstəqil siyasət yürütməsi Qərbin maraqlarına cavab vermir. Ölkəmiz isə məhz milli maraqlara söykənən müstəqil xarici siyasət kursunun, eləcə də ölkə daxilində həyata keçirilən çoxvektorlu islahatlar sayəsində bu mövqeyə yüksəlib.
4Mənbələr
-
yenicag.az“Qərbin COP29-öncəsi fəallaşması təsadüfi deyil” — Fərid Şahbazlı ( 12407029)
-
demokrat.az"Qərbin COP29-öncəsi fəallaşması təsadüfi deyil" — Fərid Şahbazlı ( 12406681)
-
pravda.az"Qərbin COP29-öncəsi fəallaşması təsadüfi deyil" - Fərid Şahbazlı ( 12397336)
-
azxeber.com"Qərbin COP29-öncəsi fəallaşması təsadüfi deyil" - Fərid Şahbazlı ( 12394342)
