1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
"Qarabağ" Qurban Qurbanovun baş məşqçi olduğu dövrdə 500-cü çempionat oyununu keçirib.
Oxu.Az xəbər verir ki, bu, Azərbaycan Premyer Liqasının XI turuna təsadüf edib.
Ağdam klubu yubiley görüşündə "Şamaxı"nı 3:0 hesabı ilə məğlub edib.
17-ci mövsümdür "Qarabağ"ı çalışdıran Qurbanovun debütü 2008-ci il avqustun 9-da "Bakılı" ilə səfər görüşünə təsadüf edib. Həmin qarşılaşmada onun komandası 2:1 hesabı ilə qalib gəlib. Ağdam klubu onun baş məşqçi olduğu müddətdə Premyer Liqada 315 qələbə qazanıb, 116 heç-heçə edib və 69 dəfə uduzub.
Qeyd edək ki, Qurbanov ölkə çempionatları tarixində həm eyni komandada, həm də ümumilikdə ən çox oyun keçirən baş məşqçidir.
