“İnter Mayami”nin argentinalı ulduz hücumçusu Lionel Messi amerikan klubuna keçdikdən sonra oyun tərzini dəyişdiyini bildirib.
Arena.az ESPN şəbəkəsinin “433 Football” dərgisinə istinadı əsasında, argentinalı ulduzun bu barədə fikrini necə əsaslandırdığını təqdim edir:
“Mən öz oyun üslubumu məqamlardan alısı olaraq, vəziyyətə və yaşıma görə dəyişmişəm. Hər məqama azacıq uyğunlaşıram. Özümü yenidən düşüncə süzgəcindən keçirməyə və mənim üçün yeni olan liqaya uyğunlaşmağa başlamışam. Özümü elə, əvvəldən də çox rahat hiss edirəm”, deyə “Leo” vurğulayıb.
Lionel Messi 2023-cü ilin yayından MLS təmsilçisi “İnter Mayami”də çıxış edir. Argentinalı ulduz amerikan klubuna PSJ-dən azad agent qismində qoşulub. “Leo”nun “İnter Mayami” ilə müddəti 2025-ci ilin dekabr ayının sonuna qədər qüvvədə olacaq müqaviləsi var.
Argentinalı ulduz cari mövsümdə “İnter Mayami”nin heyətində 23 oyuna çıxıb, 22 qol vurub və 13 məhsuldar ötürmə verib. Təcrübəli ulduzun “İnter Mayami” karyerası ümumilikdə 37 oyun, 33 qol və 18 məhsuldar ötürmədən ibarətdir.
“Leo” hazırda kapitanı olduğu Argentina yığmasında 2005-ci il avqustun 17-də debüt edib. Ulduz hücumçu yığmada 189 oyun keçirib, 112 qol vurub və 60 məhsuldar ötürmə verib. Bu göstəricilər üzrə “Leo” yığmanın mütləq rekordçusudur.
Argentinalı superulduz Argentina yığması ilə Yay Olimpiya Oyunlarının (2008), Amerika Kubokunun (2021, 2024), FIFA Dünya Kubokunun (2022), Çempionların CONMEBOL-UEFA Kubokunun (2022) qalibi olub. Həmçinin Messi dünya çempionatının (2014) və Amerika Kubokunun gümüş (2007, 2015, 2016) mükafatçısı olub.
“Leo”nun qənimətlər muzeyində müxtəlif fərdi mükafatlar, həmçinin 8 “Qızıl top”u var.
