Alman premium avtomobil istehsalçısı “Porsche” bir-birinin ardınca ən yeni modellərini təqdim etdi. A
İndex.az xəbər verir ki, çox yaxın gələcəkdə 2025 model “911 Turbo” ilə tanış olmaq imkanımız olacaq.
Avtomobilin təqdimatı böyük həyəcanla gözlənildiyi halda, “Porsche” kiçik bir səhvlə yeni “911 Turbo”nun necə görünəcəyini açıqladı. Şirkətin Almaniya üçün saytındakı konfiqurator qarşıdan gələn avtomobilin necə görünəcəyini qismən açıqlayıb.
Yuxarıdakı şəkil “Porsche Germany” saytındakı konfiquratordan götürülüb. Görünüşü çox keyfiyyətli olmasa da, 2025-ci il model “Porsche 911 Turbo” ən azı arxa hissədə böyük bir dəyişikliyə məruz qalıb.
Avtomobilin arxa bamperi əhəmiyyətli dərəcədə dəyişəcək. Plitə girintisi daha nəzərə çarpacaq. Bu görüntüdən onu da başa düşə bilərik ki, havalandırma dəlikləri yenidən işlənib və düzbucaqlı egzozlardan istifadə edilməyə başlanıb.
“Porsche” 2025-ci il model “911 Turbo”nun rəsmi təqdimat tarixini açıqlamayıb. Lakin bu avtomobilin ya 2025-ci ilin əvvəlində, ya da 2024-cü ilin sonunda təqdim ediləcəyi gözlənilir.
