Bu gün qazanılan 1 xalı 3 xala bərabər saymaq olar.
"Far.Az"un Qəbələyə ezam olunan əməkdaşı xəbər verir, bunu Estoniya millisinin baş məşqçisi Yurgen Henn Azərbaycan yığmasına qarşı keçirilən UEFA Millətlər Liqasının qrup mərhələsinin V turunun matçından sonra mətbuat konfransında deyib.
O, heç-heçə başa çatan oyunu şərh edib:
"Məncə hər iki oyunu təhlil etsək, bərabər səviyyəli matçların şahidi olduğumuzu görərik. Lakin Qəbələdəki görüşün ikinci yarısında çətinik çəkdik. Turnir cədvəlinə nəzər salsaq, bu gün qazanılan 1 xalı 3 xala bərabər saymaq olar. Qəbələ kimi stadionunuz olduğu üçün özünüzü xoşbəxt saya bilərsiniz. Estoniyada bu cür şəraiti olan stadionlar azdır".
Qeyd edək ki, Azərbaycan yığması C Liqasının I qrupunun oyununda Qəbələdə Estoniya ilə qolsuz bərabərə qalıb.
