Ermənistan Hindistanla daha 78 artilleriya qurğusu almağa dair danışıqlar aparır.
İnterpress.az xəbər verir ki, bu barədə Indian Defense Research Wing (IDRW) məlumat yayıb. Bildirilir ki, Ermənistan 78 ədəd ATAGS yedəkli artilleriya sisteminin alınması ilə bağlı danışıqlar aparır.
“Bu, əvvəllər Ermənistana təhvil verilmiş, ölkənin müxtəlif landşaftlarında müstəsna imkanlar nümayiş etdirən ATAGS-in uğurlu çıxışından sonra gəlir.
Altı haubitsadan ibarət ilk partiya Ermənistanda həm yüksək dağlıq ərazilərdə, həm də düzənliklərdə geniş sınaqdan keçirilib.
Sınaqlar uzun məsafələrdə dəqiqliyi və yüksək etibarlılığı təsdiqləyib, bu da Ermənistan hakimiyyətini daha geniş miqyasda satın almağı düşünməyə vadar edib.
Ermənistan Müdafiə Nazirliyi ATAGS-ın növbəti partiyasını təkmilləşdirmək üçün hərbçilərin istəklərini birləşdirməyə sadiqdir. Artıq sistemə daxil edilmiş diqqətəlayiq xüsusiyyətlər arasında silahın işini asanlaşdıran erməni dilində interfeys də var.
Ermənistan ordusunun artilleriya sistemini onun xüsusi tələblərinə uyğunlaşdırmaq üçün kiçik təkmilləşdirmələr təklif edəcəyi gözlənilir.
Əlavə 78 ATAGS bölməsi üçün perspektiv saziş Ermənistan və Hindistan arasında artan müdafiə əməkdaşlığında daha bir mərhələni qeyd edir.
Əvvəllər Ermənistan “Pinaka” qurğuları və digər müdafiə silahları alıb”, – nəşr yazıb.
Xuraman Etibarlı
İnterpress.az
