2024-cü ilin yanvar-oktyabr aylarında əhaliyə göstərilən ödənişli xidmətlərin dəyəri 10 milyard 192,4 milyon manat olub.
Valyuta.az rəsmi məlumatlara istinadən xəbər verir ki, bu, 2023-cü ilin müvafiq dövrü ilə müqayisədə real ifadədə 8,3 faiz çoxdur.
Bu dövrdə hüquqi şəxslər tərəfindən əhaliyə 7 milyard 687 milyon manatlıq xidmət göstərilib ki, bu da xidmətlərin ümumi dəyərinin 75,4 faizini təşkil edib.
Cari ilin yanvar-oktyabr aylarında hər bir ölkə sakini orta hesabla 999,2 manatlıq və ya ötən ilin müvafiq dövrü ilə müqayisədə nominal ifadədə 104 manat çox müxtəlif ödənişli xidmətlərdən istifadə edib.
Əvəz Həsənov
