1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
"McAfee" mütəxəssisləri "Google Play"də "SpyLoan" zərərli proqram təminatı ilə yoluxmuş 15 tətbiq aşkar ediblər.
Oxu.Az "Bleeping Computer"ə istinadən xəbər verir ki, bu tətbiqlər 8 milyon dəfədən çox yüklənib.
"SpyLoan" virusu ilə yoluxmuş tətbiqlər Cənubi Amerika, Cənub-Şərqi Asiya və Afrikadakı istifadəçiləri hədəfə alıb. Onlar istifadəçiləri sürətli kreditlər vədləri ilə cəlb edirlər, lakin quraşdırmadan sonra onlar həssas məlumatları, o cümlədən bank rekvizitlərini, SMS-lərə giriş, yer və əlaqə siyahılarını istəyirlər.
Belə populyar tətbiqlərə "Prestamo Seguro-Rapido" və "Prestamo Rapido-Credit Easy" daxildir, onların hər biri 1 milyon dəfədən çox yüklənib.
Qeyd edilir ki, indiyədək "Google" mütəxəssisləri "SpyLoan"ın müəyyən olunduğu 15 tətbiqi silib.
