Modern.az saytı Milli Məclisin deputatlarının bürclərini araşdırmağa davam edir. Bu dəfə Əkizlər bürcündə doğulan parlamentarlardan danışacağıq.
Astroloqlar tərəfindən ən çox müzakirə olunan bürclərin biri Əkizlərdir. Zodiakın dəyişkən və hava ünsürünə aid olan bu bürcün nümayəndələri çoxyönlü və çevik olmaqla yanaşı, bəzən də qarışıq düşüncəli və qərarsız olurlar.
Əkizlər bürcünün ən müsbət tərəfi kimi onların yeni informasiyalar öyrənməyə meyilli olduqlarını göstərə bilərik. Onlar müxtəlif mövzular müzakirə etməkdən və yeni fikirlər üzərində düşünməkdən zövq alırlar. Əkizlər sürətlə dəyişən vəziyyətlərə uyğunlaşa bilirlər. Onlar ətrafdakıları cəlb etməkdə ustadırlar və sosial mühitdə çox aktivdirlər. Bu bürcün nümayəndələri yeni ideyalar irəli sürmək və fərqli yanaşmalar tapmaqda çox bacarıqlıdırlar. Kreativ düşüncələri və yeniliklərə olan maraqları onları yaradıcılıq sahəsində güclü edir. Əkizlər adətən əyləncəli və gülərüz olurlar. Onlar ətraflarına müsbət enerji verir, insanların əhvalını yüksəldirlər.
Amma bu bürcün mənfi tərəfləri də çoxdur. Əkizlər 12 bürc arasında ən qərarsız və dəyişkən hesab olunur. Buna görə də bəzən nə istədiklərini və ya nə etmək istədiklərini müəyyən etməkdə çətinlik çəkə bilərlər. Əkizlər bir çox məsələlərə çox dərindən getməyərək, problemlərlə səthi səviyyədə maraqlanmağa üstünlük verirlər. Bu bürcün ulduzu altında doğulan şəxslər çox şeyə eyni anda diqqət yetirir, hər şeyi eyni vaxtda etmək istəyirlər, amma nəticədə bir neçə işin ortasında qalır və heç birini sona çatdırmırlar. Ünsiyyəti sevmələri bəzən onları sıxıcı biri edir. Belə ki, onlar çox ünsiyyətcil olduqları üçün bəzən həddindən çox danışaraq, qarşı tərəfi dinləməkdən qaçırlar. Bu da ətrafdakı insanları yora və narahat edə bilər. Əkizlər həmçinin insanları asanlıqla manipulyasiyaya edə bilirlər. Onlar hisslərini və niyyətlərini başqalarından gizlətməkdən çəkinmirlər.
Milli Məclisdə Əkizlər bürcü işarəsi altında doğulan deputatların siyahısına aşağıdakılar daxildir:
Vüqar Bayramov
Naqif Həmzəyev
İmamverdi İsmayılov
Tahir Mirkişili
Asim Mollazadə
Asif Məmmədov
Rizvan Nəbiyev
Elman Nəsirov
