Bu ilin noyabrın 1-nə Azərbaycanın regionları üzrə cəmi kredit qoyuluşu 27 milyon 81 min manat təşkil edib.
Bu barədə FED.az Azərbaycan Mərkəzi Bankına istinadən xəbər verir.
Məlumata görə Bakı iqtisadi rayonuna banklar tərəfindən kredit qoyuluşları 20 milyard 808 milyon min manat təşkil edib. Hesabat dövründə banklar tərəfindən verilən ən ucuz kreditlər məhz Bakı iqtisadi rayonunda qeydə alınıb.
Belə ki, Bakı şəhərində verilən ümumi kreditlərin orta faiz dərəcəsi 11,68% təşkil edib. Burada milli valyutada verilən kreditlərin orta faiz dərəcəsi 13,36%, sərbəst dönərli valyutada isə 5,43% olub.
Bu dövrdə ən bahalı kreditlər Dağlıq Şirvan iqtisadi rayonunda verilib. Bu regiona banklar tərəfindən kredit qoyuluşu 182 milyon 130 min manat təşkil edib. Verilən ümumi kreditlərin orta faiz dərəcəsi 19,21% təşkil edib. Bu iqtisadi rayonda milli valyutada verilən kreditlərin orta faiz dərəcəsi 19,24%, sərbəst dönərli valyutada isə 7,52% olub.
Regionlar üzrə kredit qoyuluşları və orta faiz dərəcələrini təqdim edirik:
| S/n | Regionların adı | Cəmi | orta % dərəcəsi |
| Azərbaycan Respublikası | 27 080 522 | 13% | |
| 1 | Dağlıq Şirvan iqtisadi rayonu | 182 130 | 19% |
| 2 | Lənkəran-Astara iqtisadi rayonu | 628 674 | 19% |
| 3 | Qarabağ iqtisadi rayonu | 480 554 | 19% |
| 4 | Mil-Muğan iqtisadi rayonu | 288 470 | 19% |
| 5 | Şirvan-Salyan iqtisadi rayonu | 427 305 | 19% |
| 6 | Mərkəzi Aran iqtisadi rayonu | 536 532 | 19% |
| 7 | Qazax-Tovuz iqtisadi rayonu | 509 094 | 18% |
| 8 | Quba-Xaçmaz iqtisadi rayonu | 454 172 | 17% |
| 9 | Gəncə-Daşkəsən iqtisadi rayonu | 802 999 | 17% |
| 10 | Şəki-Zaqatala iqtisadi rayonu | 533 887 | 17% |
| 11 | Abşeron-Xızı iqtisadi rayonu | 1011 640 | 16% |
| 12 | Naxçıvan iqtisadi rayonu | 416 561 | 14% |
| 13 | Bakı iqtisadi rayonu | 20 808 505 | 12% |
| 14 | Şərqi Zəngəzur iqtisadi rayonu | - | - |
