Demokrat.az-ın xəbərinə görə, Bakı Apellyasiya Məhkəməsində hakim Faiq Qəniyevin sədrliyi ilə keçirilən prosesdə dövlət ittihamçısının verdiyi apellyasiya protesti üzrə ilkin dinləmələr olub.
Məhkəmə baxış iclasına təyin olunub. İclasda protestin dəlilləri müəyyən edilib. Təqsirləndirilən şəxslərin anket məlumatları dəqiqləşdirilib.
Xatırladaq ki, dövlət ittihamçısı tərəfindən verilən protestdə təqsirləndirilən şəxslərin cəzalarının ağırlaşdırılması tələb olunub.
Qeyd edək ki, Bakı Ağır Cinayətlərlər Məhkəməsinin hökmü ilə təqsirləndirilən şəxslərin əməli Cinayət Məcəlləsinin 311-ci (rüşvət alma) maddəsindən 178-ci (dələduzluq) maddəsinə tövsif edilib.
Məhkəmə onları bu maddə ilə təqsirli bilsə də, həbsdə qalmalarını zəruri hesab etməyib. Hikmət Vəlizadə və Vüqar Hüseynova azadlığın məhdudlaşdırılması (elektron qolbaq) cəzası təyin edilib.
Hər ikisi 1 il 3 ay sonra məhkəmə zalından azadlığa buraxılıb.
İttihama görə, özəl klinikalar, restoranlar və başqa obyektlərin qarşısında parklanmaya icazə almaqdan ötrü Bakı Nəqliyyat Agentliyinə külli miqdarda rüşvət verilib. Agentliyin Yol hərəkətinin təşkili şöbəsinin müdir müavini Vüqar Hüseynov və bu şöbənin məsləhətçisi Hikmət Vəlizadə bu ittihamla həbs edilib.
İttihama görə, “Avrasiya hospital”ın yerləşdiyi küçədə avtomobillərin qarşılıqlı hərəkətinə icazə olub. Klinika rəhbərliyi orada sıxlığın azalmasını istəyib.
Bakı Nəqliyyat Agentliyinin vəzifəliləri onlara uyğun addım atmaqdan ötrü klinika rəhbərliyindən 7 min manat pul istəyib, son nəticədə 5 min alınıb.
Bundan sonra həmin küçədə “qarşılıqlı yol hərəkəti qadağandır” nişanı quraşdırılıb, avtomobillər üçün hərəkət birtərəfli olub.
“New Med” klinikasının önündə isə parklanmanın təşkilinə icazədən ötrü 5 min manat alınıb.
İstintaq sənədlərinə görə, Nərimanov rayonu, Əliyar Əliyev küçəsində yerləşən “Kuzə” restoranının rəhbərliyi də obyektin önündə parklanmaya icazədən ötrü BNA-ya rüşvət verib - 8 min manat istənilib, amma 6 min 500 manat alınıb.
İttihamda yazılıb ki, Bakıda çoxmərtəbəli binaların tikintisiylə məşğul olan şirkətlərdən birinin rəhbərindən də rüşvət tələb ediblər. Lakin o, pul verməyə razılaşmadığına görə BNA-dan “parklanmanın təşkilinə icazə verilmir” məktubu gəlib.
Qeyd edək ki, “Bakı Nəqliyyat Agentliyi” publik hüquqi şəxsin vəzifəli şəxslərinin qanunsuz əməlləri barədə həyata keçirilmiş əməliyyat-axtarış tədbirləri nəticəsində Baş prokuror yanında Korrupsiyaya qarşı Mübarizə Baş İdarəsində cinayət işi başlanıb.
İstintaqla Agentliyin Yol hərəkətinin təşkili şöbəsinin müdir müavini Vüqar Hüseynovun həmin vəzifədə işləyərkən qeyd olunan struktur qurumun məsləhətçisi Hikmət Vəlizadə ilə əlbir olaraq 2023-cü ilin iyun-iyul ayları ərzində Bakı şəhəri ərazisində parklanma sahələrinin təşkil olunması üçün müvafiq prosedurların həyata keçirilməsi müqabilində müxtəlif şəxslərdən ümumilikdə 16 min 500 manat məbləğində pul vəsaitini rüşvət qismində almasına əsaslı şübhələr müəyyən edilib.
İstintaq orqanı tərəfindən Vüqar Hüseynov və Hikmət Vəlizadəyə Cinayət Məcəlləsinin 308.2 (ağır nəticələrə səbəb olan vəzifə səlahiyyətlərindən sui-istifadə), 311.3.1, 311.3.2 və 311.3.3 (qabaqcadan əlbir olan qrup şəxs tərəfindən təkrar və külli miqdarda rüşvət alma) maddələri ilə ittiham elan edilib.
Qeyd edək ki, Bakı Nəqliyyat Agentliyi 2015-ci il dekabrın 21-də Prezident İlham Əliyevin fərmanıyla Nazirlər Kabineti yanında yaradılıb.Daha bir fərman əsasında Agentlik 2022-ci il fevralın 7-də Bakı Şəhər İcra Hakimiyyətinin tabeliyinə verilib. Prezidentinin 19 aprel 2023-cü ildə imzaladığı növbəti fərmanla isə ümumiyyətlə ləğv olunub və əmlakı Rəqəmsal İnkişaf və Nəqliyyat Nazirliyinin tabeliyindəki Azərbaycan Yerüstü Nəqliyyat Agentliyinin balansına verilib.
Fariz Məlikli
Demokrat.az
10Mənbələr
-
demokrat.azBNA əməkdaşlarının cəzalarının ağırlaşdırılması tələbi ilə araşdırma başladı — MƏHKƏMƏ ( 13580197)
-
e-saglam.az“Az.Türk Dental” yüksək məbləğdə cərimələndi - SƏBƏB ( 13303477)
-
arqument.azİş adamının “Rolls Royse”nın üzərinə həbs qoyulub, amma avtomobil saxlanılmayıb ( 12854602)
-
azia.azBNA-nın rüşvət alan sabiq vəzifəli şəxsləri bəraət istəyirlər ( 12675499)
-
pravda.azBNA-nın rüşvət alan sabiq vəzifəli şəxsləri bəraət istəyirlər ( 12675256)
-
iqtisadiyyat.azƏhəd Əsgərovun rəhbərlik etdiyi “Optimal Elektronika”nın fəaliyyətində nöqsanlar aşkarlandı, cərimələndi ( 12623077)
-
cebheinfo.azAlimpaşa Məmmədovun həbs müddəti azaldıldı ( 12614539)
-
azadmedia.azAlimpaşa Məmmədovun həbs müddəti azaldıldı » AzadMedia.az ( 12614350)
-
azpolitika.infoCəzası azaldıldı, əmlakları üzərindən həbs qərarı götürüldü - Keçmiş icra başçı ilə bağlı qərar ( 12611026)
-
azadmedia.azAlimpaşa Məmmədovun həbs müddəti azaldıldı » AzadMedia.az ( 12610906)
