1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
ABŞ-nin Delaver ştatının məhkəməsi İlon Maska "Tesla" şirkətinin 303 milyon səhm opsionu həcmində olan kompensasiya paketinin ödənilməsini təkrarən ləğv edib.
Oxu.Az bu barədə Vesti.ru-ya istinadən xəbər verir.
Məlumata görə, hazırda onun bonusunun həcmi 101 milyard dollar qiymətləndirilir.
İlk dəfə bu ilin yanvarında Delaver məhkəməsi Maska kompensasiyanın ödənilməsini bloklamışdı. O zaman onun dəyəri 55 milyard dollardan çox qiymətləndirilirdi. Hakim Ketlin Makkormik öz qərarında qeyd edib ki, bu məbləğ "ağlasığmaz" və səhmdarlara qarşı ədalətsizdir.
"Tesla"nın Direktorlar Şurası 2018-ci ildə Maska bonus ödənilməsini təsdiqləyib. Paket şirkətin 12 tranş opsionundan ibarət idi və biznesmen müəyyən göstəricilərə nail olduqda bunları əldə etməli idi.
Maska qarşı iddia "Tesla" səhmdarı Riçard Tornett tərəfindən qaldırılıb. İnvestor bildirib ki, Maska kompensasiya planı ağlabatan çərçivədən kənara çıxır.
