Azərbaycan Mərkəzi Bankı (AMB) “Plato Capital and Co. İnvestisiya Şirkəti” ASC-nin lisenziyasını ləğv edib.
Busaat.az bu barədə AMB-yə istinadən xəbər verir.
Məlumata görə, qurumun İdarə Heyətinin qərarı ilə fəaliyyətində yol verdiyi pozuntuların aradan qaldırılmasına dair icrası məcburi göstərişlərə əməl edilməməsinə görə “Qiymətli kağızlar bazarı haqqında” qanunun 70.1.6-cı maddəsinə uyğun olaraq investisiya şirkətinin lisenziyası ləğv edilib.
Qanunun 70.3-cü maddəsinə müvafiq olaraq lisenziyası ləğv edilən investisiya şirkəti Mülki Məcəlləyə uyğun olaraq ləğv edilir.
