Avropa Liqasının 8-ci turunda keçiriləcək “Tvente” – “Beşiktaş” matçına İstanbul klubunun azarkeşləri buraxılmayacaq.
Viral.az Qol.az-a istinadən xəbər verir ki, bu barədə Niderland mətbuatı məlumat yayıb. Ölkə polisi sözügedən matçı “yüksək risk” tədbir kimi qiymətləndirir.
Bu səbəbdən Enshede şəhərinin bələdiyyəsi İstanbul klubunun azarkeşlərinin stadiona buraxılmasına qadağa qoyub. Bələdiyyənin verdiyi açıqlamada “qara qartallar”ın azarkeşlərinin sözügedən şəhərdə sərbəst səyahət etmələrinin riskli olduğu vurğulanıb.
Son Yazılar:
- Türk azarkeşlər Avropa Liqasının oyununa buraxılmayacaq
- İranın şimalında zəlzələ OLDU
- Bu ərazidə qarın hündürlüyü 15 santimetrə çatdı – FOTO
Qeyd edək ki, sözügedən oyun yanvarın 30-u Enshede şəhərində, “De Grolsch Veste” stadionunda keçiriləcək.
Xatırladaq ki, Avropa Liqasının 3-cü turunda keçirilən “Lion” – “Beşiktaş” matçında da (0:1) İstanbul təmsilçisinin azarkeşlərinə səfər qadağası qoyulmuşdu.
