Əsəd ailəsinin sərvətinin təxminən 12 milyard dollar olduğu bildirilir. Halbuki Suriyanın 2021-ci il ÜDM-i yalnız 8,98 milyard dollar təşkil edib.
News24.az musavat.com-a istinadla xəbər verir ki, bu rəqəmlər ailənin əldə etdiyi sərvətin Suriyanın ümumi iqtisadiyyatı ilə müqayisədə nə qədər böyük olduğunu göstərir.
"The Wall Street Journal"ın (WSJ) məlumatına görə, Suriyanın devrilmiş prezidenti Bəşər Əsəd və atası Həfiz öz sərvətlərini qohumları vasitəsilə xaricdə gizlədiblər, buna görə də bu aktivlərin dondurulması çətin olacaq.
Keçmiş Ağ Ev rəsmisinin sözlərinə görə, Əsədin həmişə ehtiyat planı olub. Bu plan, ölkəni tərk etməsi halında belə, onun ailəsinin sərvətinin qorunmasını təmin etməyə yönəlib.
